13
январь
2024
Мектеп директорларының форумы
Бүгін Қазақстан Республикасы Оқу-ағарту министрі Ғ.Бейсембаевтың қатысуымен Алматы қаласы, Алматы, Жетісу облыстары мемлекеттік мектеп директорларының форумы өткізілді.
Форум шеңберінде еліміздегі білім саласындағы өзекті мәселелер талқыланды. Мектеп басшыларына қойылатын талаптарға тоқталып, сапалы менджмент қағидаттарын ұстануды алға қойды. Форумда бірқатар маңызды бағыттар белгіленді. Бүгінгі таңда балалардың қауіпсіздігі мектепте, жалпы қоғамда сақталуына бағытталған нормативтік-құқықтық құжаттар талаптарының орындалуын күшейтуге қатаң назар аударылды. Білім беру саласындағы бақылаудың сыртқы және ішкі тетіктері талқыланды.
Халықаралық PISA-2022 кезеңінің ерекшеліктері және қажеттілігі салыстырмалы диагностика формасында ұсынылды. Талдау арқылы еліміздегі білім берудегі оңтайлы нәтижелері хабарланып, жан-жақты талданды. Орта білімнің МЖМББС талаптарына Абайдың «Толық адам» концепциясын енгізу арқылы «Сегіз қырлы бір сырлы» түлек моделін қалыптастыру бойынша толықтырулар әзірленуде. Білім алушылардың оқу сауаттылығын арттыру, тілдік дағдыларды дамыту мақсатында диктант, мазмұндама түріндегі жазбаша жұмыстардыжүргізуге мән беру қажеттігі айтылды. Жаһандану жағдайында жасанды интеллект қолдануға дайындық ретінде елімізде бастау алған «Цифрлық ұстаз» жобасы бойынша әлеуметтік осал отбасылардан шыққан оқушылардың оқу үлгеріміндегі олқылықтарды толтыру жұмыстарын ұйымдастыру мәселесі де көтерілді.
Форум барысында мектеп директорларының негізгі қызметі бойынша түрлі сұрақтар талқыланып, жұмыс бағыттары көрсетілді.